1 მარტს, ახალსოფლის ახალგაზრდულ ცენტრში მეწარმეობის ერთდღიანი ბანაკი გაიმართა.
ბანაკში მონაწილეობდნენ ახალსოფლისა და ახმეტის ახალგაზრდული ცენტრების, “მეწარმეობის კლუბის” წევრები.
ბანაკის მთავარი მიზანი, ორი რეგიონალური ცენტრის წევრების გაცნობა, ურთიერთდაახლოება და სამეწარმეო უნარების განვითარება იყო.
ბანაკი მოიცავდა ბიზნეს ფორუმს, სადაც მონაწილეები წარადგენდნენ იდეებს.
დღის განმავლობაში მონაწილეები მენტორების დახმარებით მუშაობდნენ იდეებზე, ბიზნეს გეგმაზე, ბიუჯეტსა და პრეზენტაციაზე.
დღის ბანაკის დასასრულს, თითოეულმა ჯგუფმა, ყვარლისა და ახმეტის საჭიროებებზე მორგებული ინივაციური იდეები წარადგინა. გამოვლინდა დღის საუკეთესო იდეაც.
