2025 წლის 1-2 მარტს, ბაკურიანში, სასტუმრო “ბაკურიანი ინნ”-ში, ჩატარდა ღონისძიება „მომავალი ლიდერები სოციალურ მეწარმეობაში“, რომელიც ევროკავშირის მხარდაჭერით, პროექტის „აღმშენებლობა სოციალური მეწარმეობით“ ფარგლებში გაიმართა. პროექტი ახალგაზრდების გაძლიერებას ისახავს სოციალურ მეწარმეობაში.

ღონისძიებას ესწრებოდნენ სოციალური საწარმოების წარმომადგენლები, ექსპერტები და მენტორები, რომლებმაც გაღრმავებული ცოდნა და პრაქტიკული უნარები მიიღეს. პირველი დღე მოიცავდა ინტენსიურ აქტივობებს, მასტერკლასებს, მათ შორის ლევან ჭანუყვაძის ტრენინგს „როგორ მოვხვდეთ Forbes-ის ყდაზე“. მეორე დღეს მარიამ ფარქოსაძემ ახალგაზრდებს სოციალური მედიის გამოყენების სტრატეგიები გააცნო, ხოლო მოლაპარაკებების სიმულაციური თამაშის დროს განვითარების შესაძლებლობები მიიღეს.

ღონისძიება დაჯილდოებით დასრულდა, სადაც გამოვლინდა ყველაზე პერსპექტიული სოციალური საწარმოების პროექტები. ერთერთი გამარჯვებული ახალსოფლის ახალგაზრდული ცენტრის “მეწარმეობის კლუბის” აქტიური წევრი, მედეა ვარდიაშვილია.